गोपनीयता धोरण

तुमची माहिती आम्ही कशी वापरतो, हे इथे सोप्या शब्दांत दिलं आहे.

फक्त एकाच कामासाठी — तुम्हाला जोडीदार सुचवण्यासाठी, आणि तुमचं प्रोफाईल विरुद्ध लिंगाच्या सदस्यांना दाखवण्यासाठी.
तुमचा मोबाईल नंबर सुरुवातीला कुणालाही दिसत नाही. दोघांनी एकमेकांना होकार दिल्यावर, किंवा समोरच्या सदस्याने सदस्यत्व फी भरल्यावरच तो दिसतो.
तुमची माहिती कुणालाही विकली जात नाही व जाहिरातीसाठी दिली जात नाही.
प्रोफाईलमधला मजकूर वाचकाच्या भाषेत दाखवण्यासाठी तो आपोआप (AI) भाषांतरित केला जातो. फोटो व मजकुरावर आपोआप प्राथमिक चाळणीही लावली जाते.

नोंदणी पूर्ण होताच प्रोफाईल इतर सदस्यांना दिसू लागतं. ॲडमिन ते नंतर बघतो व चुकीचं आढळल्यास काढून टाकतो — म्हणजे आधी तपासणी होत नाही.
संस्था कागदपत्रं, उत्पन्न, नोकरी, जात किंवा वैवाहिक स्थिती कधीही तपासत नाही.

तुमची माहिती कधीही बदलता येते — "प्रोफाईल बदला" वापरा.
माहिती साठवण्याची संमती कधीही मागे घेता येते — "खातं कायमचं काढा" वापरा. खातं काढताच प्रोफाईल, फोटो व सर्व माहिती लगेच कायमची नष्ट होते; ती परत मिळत नाही.
तक्रार असल्यास तक्रार निवारण अधिकाऱ्यांना कळवा (info@vadarvivah.com) — त्यांचा तपशील या पानाच्या शेवटी आहे. त्यांच्या उत्तराने समाधान झालं नाही तर डिजिटल वैयक्तिक माहिती संरक्षण कायदा, २०२३ नुसार Data Protection Board of India कडे तक्रार करता येते.

पासवर्ड कूटबद्ध स्वरूपात ठेवला जातो — तो ॲडमिनलाही दिसत नाही.
OTP, पासवर्ड किंवा बँक तपशील संस्था कधीच फोनवर किंवा मेसेजवर विचारत नाही. कुणी विचारलं तर ती फसवणूक आहे.